Mënyra e përdorimit të Twitter së shpejti do të ndryshojë plotësisht.

Kompania po fillon të prezantojë opsionin e saj më të fundit i krijuar për t’a bërë Twitter një rrjet social më miqësor për përdoruesit e tij, duke ofruar mundësinë për të ndjekur llogari individuale dhe postime të fushave specifike.

Më herët këtë vit, Twitter deklaroi se ishte duke punuar në këtë opsion. Tani është gati të përdoret për të gjithë përdoruesit. Sipas raportimeve, ky opsion do të jetë i disponueshëm për të gjithë përdoruesit e Twitter në 13 nëntor.

Twitter do të fillojë të ofrojë rreth 300 tema të fushave të ndryshme, të cilat përfshijnë sportet, argëtimet dhe lojrat (kompania do t’i qëndrojë larg politikës për momentin). Kur vendosni të ndiqni një fushë të caktuar, Twitter më pas do të sugjerojë ‘tweet’ nga llogaritë përkatëse në llogarinë tuaj, në mënyrë që t’ju japë një pamje më të gjerë të kësaj teme, si përshembull një ekip specifik sportiv.

Për Twitter, kjo risi është pjesë e përpjekjeve për të përmirësuar bisedat në platformë. Duke e bërë më të lehtë për njerëzit që të ndjekin interesat e tyre, biseda më të mira do të pasojnë. Gjithashtu, ky ndryshim do të trajtojë një nga problemet më të gjata të Twitter, faktin që për vite me rradhë në këtë platformë nuk dihej se për çfarë flasin postimet dhe për kë janë.

Kjo gjë u vu re vetëm nga fakti që tweet-et më të shumta në Twitter kanë tendencë të jenë të personave famshëm, politikanëve dhe anëtarëve të medias. Një studim në fillim të këtij viti zbuloi se 80 përqind e tweet-ve vijnë nga vetëm 10 përqind e përdoruesve. E gjithë kjo të bën të mendosh se një grup flasin shumë me njëri tjetrin, , ndërsa shumica e përdoruesve të Twitter vetëm shikojnë.

Ende nuk dihet me siguri nëse opsioni që do të ndihmojë të ndiqni fushat në të cilat jani të interesuar do ta bëjë përdorimin e platformës më dinamike. Twitter është përpjekur t’i zgjidhë këto probleme më parë me opsionin ‘Moments’ dhe më vonë me shtimin e seksionit “Explore”.  Opsioni i ri do t’i prezantojë përdoruesit e Twitter me një numër llogarish të reja që ata nuk i ndjekin./TechSot.Al