Rrjeti social Facebook është themeluar si një rrjet që promovon lidhjen me shokët dhe miqtë. Por dje, themeluesi i Facebook, Mark Zuckerberg, ka zbuluar një mision të ri të kompanisë gjigande, raporton TechSot.Al.

Zuckerberg ka thënë gjithmonë se “Facebook po mundohet të bëjë botën më të hapur, dhe më të lidhur.” Por dje ai është shprehur se “misioni i ri i Facebook është fuqizimi i njerëzve për të ndërtuar komunitet dhe bashkimi i botës.”

Facebook prej kohësh ka filluar të zhvendoset nga një rrjet social, në një produkt që ndërlidh të gjithë jetën tonë online. TechSot.Al raporton pika e kthimit të Facebook ka qënë fushata elektorale e zgjedhjeve presidenciale të ShBA, ku Facebook ‘akuzohet’ sa ka luajtur rol kyç në zgjedhjen e presidentit amerikan, Donald Trump.

Në Shkurt të këtij viti, Mark Zuckerberg ka pranuar se Facebook nuk është më thjesht një rrjet social për t’u lidhur me shokët, por është tashmë një forcë shume influente.

Sipas TechSot.Al, Facebook pritet të jetë infrastruktura sociale që do u japë njerëzve fuqinë për të ndërtuar komunitete, dhe bashkimin e botës./TechSot.Al/